ମୁମ୍ଵାଇ ୦୭।୦୧; ଜଣାଶୁଣା ସେଲିବ୍ରିଟି ଏବଂ ବିଗ୍ ବସ୍ -୬ ପ୍ରତିଯୋଗୀ ସନା ଖାନ୍। ସେ ତାଙ୍କ ଧର୍ମ ପାଇଁ ଇଣ୍ଡଷ୍ଠ୍ରିରୁ ସନ୍ୟାସ ନେଇଥିଲେ। ଏବେ ଅଭିନେତ୍ରୀ ଦ୍ୱିତୀୟ ଥର ପାଇଁ ମାଆ ହୋଇଛନ୍ତି । ସନା ସୋସିଆଲ ମିଡିଆରେ ପୁଅର ଆଗମନକୁ ନେଇ ଖୁସି ବ୍ୟକ୍ତ କରିଛନ୍ତି। ସନା ତାଙ୍କ ଇନଷ୍ଟାଗ୍ରାମ ଏବଂ ୟୁଟ୍ୟୁବ୍ ଚ୍ୟାନେଲରେ ଏହି ସୂଚନା ଦେଇଛନ୍ତି। କହିବାକୁ ଗଲେ ସନା ଏବଂ ଅନାସ ପୂର୍ବରୁ ପୁତ୍ର ସନ୍ତାନର ପିତାମାତା ଅଟନ୍ତି ।
ସୋସିଆଲ ମିଡିଆରେ ସେୟାର ପୋଷ୍ଟ
ପୂର୍ବତନ ଅଭିନେତ୍ରୀ ସୋସିଆଲ ମିଡିଆରେ ତାଙ୍କ ପୁଅର ଜନ୍ମ ଘୋଷଣା କରି ଏକ ହୃଦୟସ୍ପର୍ଶୀ ଭିଡିଓ ସେୟାର କରିଥିଲେ। ସୋମବାର ଦିନ ସନା ଖାନ ତାଙ୍କ ଦ୍ୱିତୀୟ ପୁଅର ଜନ୍ମର ଖୁସି ଖବର ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ସନା ଏବଂ ଅନାସ ସୟଦଙ୍କ ଦ୍ୱିତୀୟ ପୁଅ ୫ ଜାନୁୟାରୀ ୨୦୨୫ରେ ଜନ୍ମଗ୍ରହଣ କରିଥିଲେ। କହିବାକୁ ଗଲେ ଜୁଲାଇ ୨୦୨୩ରେ ଏହି ଦମ୍ପତି ସେମାନଙ୍କର ପ୍ରଥମ ସନ୍ତାନଙ୍କୁ ସ୍ୱାଗତ କରିଥିଲେ। ଏହା ବ୍ୟତୀତ ସନା ତାଙ୍କ ୟୁଟ୍ୟୁବ୍ ଭ୍ଲଗ୍ ରେ ଗର୍ଭଧାରଣ ବିଷୟରେ ମଧ୍ୟ କହିଥିଲେ। ସାରାର ଏହି ପୋଷ୍ଟରେ ଅରବାଜ ଖାନଙ୍କ ପତ୍ନୀ ଶୁରା ଖାନ ପ୍ରତିକ୍ରିୟା ଦେଇଛନ୍ତି।
୨୦୨୦ରେ ବିବାହ
ସନା ଖାନ ୨୦୨୦ରେ ଫିଲ୍ମ ଇଣ୍ଡଷ୍ଟ୍ରିରୁ ଅବସର ନେଇଥିଲେ। ଏହା ପୂର୍ବରୁ ସେ ଅନେକ ଚଳଚ୍ଚିତ୍ର ଏବଂ ଶୋ’ରେ ଅଭିନୟ କରିଥିଲେ। ସନା ଖାନ ଏବଂ ମୁଫତି ଅନାସ ସୟଦ ୨୧ ନଭେମ୍ବର ୨୦୨୦ରେ ସୁରଟରେ ବିବାହ କରିଥିଲେ। କହିବାକୁ ଗଲେ ସନା ଖାନ୍ ବିଗ୍ ବସ୍ ୬ କୁ ଆସିଥିଲେ ଏବଂ ସୋ’ରେ ଦ୍ୱିତୀୟ ରନର୍ ଅପ୍ ହୋଇଥିଲେ । ଏହା ବ୍ୟତୀତ ସେ ଅନେକ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି।
